بىر گۇرۇپپا تەتقىقاتچىلار بىر كومپيۇتېر چىپى ئارقىلىق ھەر سېكۇنتتا 1.84 پېتابايت (PB) سانلىق مەلۇماتنى يۆتكىدى، بۇ پۈتۈن ئىنتېرنېت ئېقىمىنىڭ تەخمىنەن ئىككى ھەسسىسىگە تەڭ، ھەمدە ھەر سېكۇنتتا تەخمىنەن 230 مىليون سۈرەتنى چۈشۈرۈشكە باراۋەر.
بۇ يېڭىلىق، تالا ئوپتىك كابېل ئارقىلىق سانلىق مەلۇمات يەتكۈزۈشتە يەككە كومپيۇتېر چىپىنى ئىشلىتىشتە يېڭى رېكورت ياراتقان بولۇپ، ئېنېرگىيە چىقىمىنى تۆۋەنلىتىش ۋە تور كەڭلىكىنى ئاشۇرۇشقا ياردەم بېرىدىغان تېخىمۇ ياخشى ئىقتىدارلىق چىپلارنى بارلىققا كەلتۈرۈشكە ۋەدە بېرىدۇ.
كۆپ مىللەتلىك ئالىملار گۇرۇپپىسى ئوپتىك تالا سانلىق مەلۇمات يەتكۈزۈش ساھەسىدە زور بۆسۈش ھاسىل قىلدى. ئۇلار بىر كومپيۇتېر چىپى ئارقىلىق سېكۇنتىغا 1.84 پېتابايت (PB) سانلىق مەلۇمات يەتكۈزدى، بۇ ئىنتېرنېتنىڭ ئومۇمىي ئېقىم مىقدارىنىڭ تەخمىنەن ئىككى ھەسسىسىگە تەڭ بولۇپ، سېكۇنتىغا تەخمىنەن 230 مىليون سۈرەتنى 100 مىڭ قېتىم چۈشۈرۈشكە باراۋەر. بۇ ئىلگىرىلەش ئوپتىك كابېل ئارقىلىق سانلىق مەلۇمات يەتكۈزۈشتە بىر چىپنىڭ يېڭى رېكورتىنى ياراتتى ھەمدە بۇنىڭ چىپلارنىڭ ئىقتىدارىنىڭ يۇقىرىلىشى ۋە ئىنتېرنېت ئىقتىدارىنىڭ ياخشىلىنىشىغا ئېلىپ كېلىشى مۆلچەرلەنمەكتە.
«تەبىئەت فوتونىكىسى» ژۇرنىلىنىڭ ئەڭ يېڭى سانىدا، دانىيە تېخنىكا ئۇنىۋېرسىتېتىدىكى ئاسبيورن ئارۋادا يورگېنسېن ۋە ئۇنىڭ دانىيە، شىۋېتسىيە ۋە ياپونىيەدىكى خىزمەتداشلىرى سانلىق مەلۇمات ئېقىمىنى مىڭلىغان مۇستەقىل قاناللارغا بۆلۈپ، بىرلا ۋاقىتتا 7.9 كىلومېتىر ئارىلىقتا يەتكۈزىدىغان فوتون چىپى (كومپيۇتېر چىپىغا بىرلەشتۈرۈلگەن ئوپتىكىلىق زاپچاسلار) ئىشلەتكەنلىكىنى دوكلات قىلدى.
تەتقىقات گۇرۇپپىسى لازېر نۇرى ئارقىلىق سانلىق مەلۇمات ئېقىمىنى 37 قىسىمغا بۆلدى، بۇ قىسىملارنىڭ ھەر بىرى ئوپتىك تالا كابېلنىڭ ئايرىم يادروسى ئارقىلىق ئەۋەتىلدى، ئاندىن ھەر بىر قانالدىكى سانلىق مەلۇماتلارنى 223 سانلىق مەلۇمات بۆلىكىگە بۆلدى، بۇ بۆلەكلەر بىر-بىرىگە تەسىر كۆرسەتمەي، ئوپتىك تالا كابېل ئارقىلىق ھەر خىل رەڭلەردە يەتكۈزۈلدى.
«دۇنيا مىقياسىدا ئوتتۇرىچە تور ئېقىمى سېكۇنتىغا 1 پېتابايت ئەتراپىدا. بىز بۇنىڭدىن ئىككى ھەسسە كۆپ مىقداردا ئۇچۇر يەتكۈزۈۋاتىمىز» دېدى يورگېنسېن. «بۇ بىز ئاساسەن بىر كۋادرات مىللىمېتىردىنمۇ ئاز مىقداردا ئۇچۇر يەتكۈزۈۋاتقان ئاجايىپ مىقداردىكى سانلىق مەلۇمات.ئوپتىك تالا كابېلبۇ بىزنىڭ ھازىرقى ئىنتېرنېت ئۇلىنىشىدىن خېلىلا ئېشىپ كېتەلەيدىغانلىقىمىزنى كۆرسىتىپ بېرىدۇ.
يورگېنسېن بۇ مىسلى كۆرۈلمىگەن نەتىجىنىڭ ئەھمىيىتىنىڭ كىچىكلىتىشتە ئىكەنلىكىنى كۆرسىتىپ ئۆتتى. ئالىملار ئىلگىرى چوڭ ئۈسكۈنىلەرنى ئىشلىتىپ سېكۇنتىغا 10.66 پېتابايت سانلىق مەلۇمات يەتكۈزۈش سۈرئىتىگە ئېرىشكەن ئىدى، ئەمما بۇ تەتقىقات تالا ئوپتىك كابېل ئارقىلىق سانلىق مەلۇمات يەتكۈزۈشتە يەككە كومپيۇتېر چىپىنى ئىشلىتىشتە يېڭى رېكورت ياراتتى، بۇ مەۋجۇت چىپلارغا قارىغاندا كۆرۈنەرلىك دەرىجىدە كۆپ سانلىق مەلۇمات ئەۋەتەلەيدىغان يەككە، ئاددىي چىپنى ۋەدە قىلىدۇ، شۇڭا ئېنېرگىيە تەننەرخىنى تۆۋەنلىتىپ، تور كەڭلىكىنى ئاشۇرالايدۇ.
يورگېنسېن يەنە ئۇلارنىڭ نۆۋەتتىكى سەپلىمىنى ياخشىلىيالايدىغانلىقىغا ئىشىنىدۇ. گەرچە بۇ چىپ ئۈزلۈكسىز نۇر چىقىرىدىغان لازېر ۋە ھەر بىر چىقىرىش ئېقىمىدىكى سانلىق مەلۇماتلارنى كودلاش ئۈچۈن ئايرىم ئۈسكۈنىلەرنى تەلەپ قىلسىمۇ، بۇلارنى چىپقا بىرلەشتۈرگىلى بولىدۇ، بۇنىڭ بىلەن پۈتۈن ئۈسكۈنىنىڭ كىچىكلىكى گۇگۇرت قۇتىسىغا ئوخشايدۇ.
تەتقىقات گۇرۇپپىسى يەنە ئەگەر سىستېمىنىڭ چوڭلۇقى كىچىك بىر سېرۋېرغا ئوخشىتىلىپ ئۆزگەرتىلسە، يۆتكىلىگىلى بولىدىغان سانلىق مەلۇمات مىقدارى بۈگۈنكى 8251 دانە گۇگۇرت قۇتىسى چوڭلۇقىدىكى ئۈسكۈنىنىڭ سانلىق مەلۇمات مىقدارىغا باراۋەر بولىدىغانلىقىنى پەرەز قىلدى.
ئېلان قىلىنغان ۋاقىت: 2022-يىلى 11-ئاينىڭ 5-كۈنى
