“Far North Fiber” (FCF) kompaniýasy Arktika suwasty kabel taslamasy üçin ilkinji maýadaryny tapdy.
1,15 milliard dollarlyk taslamanyň arkasyndaky konsorsium NORDUnet-iň taslamanyň ilkinji maýadary bolmak üçin FNF bilen niýet hatyna gol çekendigini mälim etdi.
FNF kabel taslamasy Arktikanyň deňziniň düýbüne suwasty kabel çekjek ilkinji taslama bolar we uzynlygy 14,000 km bolup, Demirgazyk Amerika arkaly Ýewropany Aziýa bilen birleşdirer.
Ol ABŞ-da ýerleşýän “Cinia”, “Far North Digital” we Ýaponiýanyň “Arteria Networks” kompaniýalary bilen bilelikdäki kärhana bolup, 12 sany süýümli optiki jübütden ybarat bolar.
Bu kabel Demirgazyk ýurtlaryndan Ýaponiýa çenli uzalyp, Grenlandiýa, Kanada we Alýaska arkaly geçer. Onuň Germaniýanyň Frankfurt şäheri bilen Ýaponiýanyň Tokio şäheri arasyndaky gijikmeleri 30 göterim azaltmagyna garaşylýar.
Maýa goýum üçin anyk san berilmedi, emma “Reuters” agentligi bir jübüt süýümiň takmynan 100 million dollara deňdigini we çeşmäniň maglumatyna görä, olaryň 30 ýyllyk ömrüniň dowamynda goşmaça 100 million dollar tehniki hyzmat çykdajylarynyň gerekdigini belleýär.
“Bu taslama tamamlanandan soň, Demirgazyk ýurtlarynda, Ýewropada, Demirgazyk Amerikada we Ýaponiýada ylmy-barlag we bilim hyzmatdaşlarynyň arasyndaky hyzmatdaşlyk ulgamyny gowulandyrar. Mundan başga-da, ol Demirgazyk sebitiniň ösüşine itergi berer we Ýewropanyň sanly özygtyýarlylygyny ep-esli gowulandyrar” diýip, NORDUnet-iň baş direktory Walter Nord aýtdy.
Eger üstünlikli bolsa, ol Arktikanyň deňziniň düýbündäki ilkinji suwasty kabel ulgamy bolar, ýöne muny etmek üçin ilkinji synanyşyk bolmaz.
Ýerleşdirilen wagty: 2022-nji ýylyň 14-nji dekabry
